Skënderbeu pret Flamurtarin, Ujqërit e Dëborës bëjnë thirrje për pjesëmarrje masive

0
255

Pas 48 ditësh ekipi i Skënderbeut rikthehet të luajë në shtëpi. Të premten në mbrëmjen, në orën 18:00 pret në stadiumin “Skënderbeu” ekipin e Flamurtarit i cili pozicionohet në vendin e dytë. Një takim mjaft interesant ku entuziazmi është ndjerë që në fillim të javës dhe pritet me padurim në qytetin juglindor. Tifogrupi “Ujqërit e Dëborës” e dinë rëndësinë që kanë në këtë ndeshje dhe janë organizuar që ekipi i tyre i zemrës t’a ndjejë sa më shumë praninë e lojtarit të 12-të. Me anë të një postimi në rrjetin social facebook bëjnë thirrje për pjesëmarrje masive dhe për mbështetje maksimale për ekipin e zemrës. Një fitore në këtë takim do t’a afronte edhe më shumë Skënderbeun pranë titullit kampion, pasi do të shkëputeshe 11 pikë nga vendi i dytë.

Postimi i plotë i faqes “Ujqërit e Dëborës” :

“Pas një kohe të gjatë ekipi jonë i zemrës rikthehet të luajë në strofull. Të premten në mbrëmje, në orën 18:00 luan kundër vendit të dytë dhë mbështetja duhet të jetë maksimale për të dominuar si në fushë dhe në tribuna, duke treguar edhe një herë tjetër se ne jemi #Mbreti i Shqipërisë në futboll. Ftoi të gjithë miq, shokë dhe të afërm, mbrëmja e të premtes duhet të rezervohet vetëm për dashurinë tonë të përjetshme, #SKËNDERBEUN. Mos i ndalim këngët dhe brohoritmat për 90 minuta që ekipi të ndjejë maksimalisht mbështetjen dhe në fund të festojmë së bashku.

Eja edhe ti! Bashkoju me Ujqërit e Dëborës! Mbështet një nga krenaritë e qytetit! Shiko spektakël në fushë dhe dhuro spektakël në tribunë!

Ne jemi Ujqërit e Dëborës – Të tjerët si njohim.”

PËRGJIGJU

Ju lutem shkruani komentin!
Ju lutem shkruani emrin tuaj