Greqia lehtëson procedurat për nënshtetësinë, ja ndryshimet.

0
516

Greqia do ndryshojë mënyrën dhënies së nështetësisë duke thjeshtëzuar dhe përshpejtuar procesin. Rregullat e reja për dhënien e nënshtetësisë janë një lëvizje që sipas ministrit të Brendshëm të Greeqisë, Panos Skurletis u jep mundësinë mijëra emigrantëve që ta marrin atë.

Sipas asaj që shkruajnë mediat greke pritet që në radhë të parë të ndryshojë ligji aktual, duke futur një dispozitë që saktëson se çdo shtetas i huaj që ka mbi 12 vite me leje qëndrimi në Greqi ka të drejtë që të marrë nënshtetësinë helene. Po kështu syhonet që të ulet koha që duhet për të marrë nënshtetësinë. Aktualisht koha që duhet varion nga 2 deri në 6 vite pas aplikimit dhe synohet që me procedurat e reja ajo të bëhet brenda 1 viti. Një tjetër risi do të jetë edhe ndryshimi I mënyrës së pyetjeve që u nënshtrohen aplikantët për nënshtetësi.

Ministri Skurletis sqaroi se ndryshimi prek dhe mënyrën e intervistimit të kandidatit në një procedurë të thjeshtuar për evidentimin e personave të integruar në shoqërinë greke. Sipas procedurës së re do të krijohet çdo vit një “rezervuar” me 300 pyetje-përgjigje të cilat do të jenë në databaze-n e ministrisë. Nëpunësit do të jenë të detyruar që të marrin 30 pyetje vetëm nga ky fond për provimin nga e cila kalon ai që u përgjigjet me sukses të paktën 20 pyetjeve. Kjo bëhet për të shmangur parregullsitë, pasi është vënë re se ka raste favorizimi me pyetje të lehta apo raste që jepen qëllimisht pyetje shumë të vështira.

“Duam me qëndrimin tonë të dërgojmë mesazhet e duhura në të gjithë botën kundër ksenofobisë dhe racizmit.Duam t’i japim shanse të gjithëve, pavarësisht origjinës së tyre. Po përmirësojmë kuadrin ligjor për dhënien e shtetësisë.Vendosëm dhënien e mundësisë për fëmijët e lindur në vend, por që për arsye të ndryshme nuk përfitonin, si u jepet mundësia edhe shumë të tjerëve të marrin shtetësinë”, ka deklaruar dje ministri i Brendshëm grek.

Duhet theksuar se ky ndryshim është një lajm shumë I mirë për shumë emigrant shqiptarë që jetojnë prej shumë vitesh në Greqi. Sipas ministrisë së Punëve të Brendshme greke në Greqi jetojnë 850 mijë emigrantë. Sipas statistikave 174.394 nënshtetesi janë dhënë që prej vitit 2011 deri me 2017. Nga këto 93 % e përfituesve janë nga Shqipëria.

Cilat janë ndryshimet

  1. Sistemi  20/30 pyetjeve

Ndryshimi më i madh dhe kryerorë është se parashikohet që këtej e tutje emigrantët që do bëjnë kërkesë për nënshtetësinë do testohen në 30 pyetje , nga të cilat janë të detyruat ti përgjigjen saktë 20 pyetjeve. Pyetjet do kenë të bëjnë  me historinë, gjeografinë, sistemin politik dhe demokratik në Greqi, shoqërinë Greke etj. Pyetjet do kenë vështërsi të përshkallëzuar, nga më e lehta në më të vështirën.  Ky sistem është i ngjashëm me atë gjerman dhe amerikan.  Provimi tani për tani do jetë me të folur dhe jo me shkrim.

2. “Rezervuari” i 300 pyetjeve

30 Pyetjet do përzgjidhen në mënyrë automatike dhe rastësore nga një “rezervuar” me 300 pyetje. Kjo për mendimin tonë është dhe thelbi i ndryshimit, sepse mënjanon  pyetjet e komisioneve , të cilat në shumë raste ishim  “sipas dëshirës” të anëtarit të komisionit, dhe jo ato që shkruheshin në Librin e Nënshtetësisë. Pyetjet e rastit apo sipas mendimit të komisionit është shkaku kryesor që me dhjetrave emigrantë nuk i është dhënë nënshtetësia. Me sistemin e 300 pyetjeve , emigrantët tashmë do dinë saktë se çfarë pytejesh do përgjigjen. Parashikohet që 300 pyetjet dhe përgjigjet e tyre të jenë online, me qëllim emigrantët të lexojnë pyetjet dhe përgjigjet.

3. Ndyshojnë vitet e qëndrimit në mënyrë të ligjëshme në Greqi

Aktualisht një emigrant për të bërë kërkesë për nënshtetësi greke duhet të jetë 7 vite në mënyrë të ligjëshme në Greqi, dhe të jetë i pajisur me njërën  nga lejet e qëndrimit afatgjatë (dhjetë vjeçare, 5 vjeçare etj). Me ndryshimet e reja i jepet e drejta të bëjë kërkesë për nënshtetësinë greke çdo emigranti që ka 12 vite të ligjëshme në Greqi, pavarsisht lejes së qëndrimit që disponon.

4. Lehtësime për moshat mbi 65 vjeç dhe fëmijëve me aftësi të kufizuar. 

Sipas ministrit për  personat mbi 65 vjeç po diskutohet  që këto grupe të mos kalojnë fare në provim në rastin se vërtetojnë se janë njohës së gjuhës greke.  Përsa i përket fëmijëve me aftësi të kufizuar të cilët nuk  kanë mundësi të përfshihen në ligjin për kombësinë (për shkak se nuk mund të ndjekin programe shkollore të përgjithëshme), ata do përfshihen në  këtë ligj të ri dhe do ju jepet mundësia e përfitimit të nënshtetësisë duke u bazuar në periudhat kohore që parashikon ligji për fëmijët e gjeneratës së dytë.

 

PËRGJIGJU

Ju lutem shkruani komentin!
Ju lutem shkruani emrin tuaj